ᤛᤠᤶᤔᤡᤗᤠ
ᤔᤠ᤺ᤗᤠᤈᤣ᤹
- ᤛᤣᤛᤣᤜᤠᤱ ᤑᤡᤕᤠᤁ᤻
ᤑᤰᤋᤠᤱᤗᤢᤱ ᤑᤰᤋᤠᤱ ᤗᤡᤶᤒᤢᤘᤠᤏ᤻ᤖᤥ
ᤔᤠ᤺ᤗᤠᤈᤣ᤹ ᤀᤡᤱᤃᤠᤴ ᤗᤡᤶᤒᤢᤘᤠᤏ᤻ᤖᤥ
ᤁᤴᤂᤧ᤹ᤀᤥ ᤌᤰᤗᤠ ᤛᤠᤘᤠᤏ᤻ᤇᤡᤱᤅᤠᤱ
ᤐᤠᤏ᤻ᤏᤡᤸᤗᤧ ᤁᤢᤒᤠᤏ᤻ ᤔᤠᤱᤒᤠᤏ᤻ᤇᤡᤱᤅᤠᤱ ॥
ᤗᤡᤶᤒᤢᤘᤠᤏ᤻ ᤀᤡᤱᤃᤠᤴ ᤔᤠ᤺ᤗᤠᤈᤣ᤹ᤖᤥ ॥
ᤋᤰᤛᤱ ᤏᤢ ᤛᤧᤅ᤻ᤄᤠ ᤐᤠᤱᤘᤠᤏ᤻ᤍᤠᤱᤗᤥ
ᤐᤠᤃᤴᤏᤧ ᤂᤠᤶᤔᤥ᤹ ᤛᤠᤘᤠᤏ᤻ᤍᤠᤱᤗᤥ
ᤕᤠᤱᤍᤠᤱᤅᤠᤱ ᤂᤢᤏᤧ᤹ ᤑᤥᤁ᤻ᤂᤠᤱᤗᤥᤀᤡ
ᤛᤠᤶᤛᤥᤃᤧᤴ ᤕᤔᤡᤱ ᤘᤠᤏ᤻ᤍᤠᤱᤗᤥᤀᤡ ॥
ᤗᤡᤶᤒᤢᤘᤠᤏ᤻ ᤀᤡᤱᤃᤠᤴ ᤔᤠ᤺ᤗᤠᤈᤣ᤹ᤖᤥ ॥
ᤏᤠᤶᤗᤠᤅ᤻ᤔᤥ᤹ ᤀᤠᤰᤂᤧᤴ ᤜᤠᤔ᤻ᤒᤪᤡᤰᤘᤠᤏᤢ
ᤜᤡᤱᤄᤠᤱᤒᤠ ᤀᤠᤰᤂᤧᤴ ᤕᤥᤔ᤻ᤒᤪᤡᤰᤘᤠᤏᤢ
ᤋᤢᤰ-ᤛᤠᤰᤔᤠ ᤐᤥᤁ᤻ᤂᤠᤸ ᤔᤡᤰᤘᤠᤏᤢᤀᤣ
ᤜᤡᤱᤄᤠᤱᤗ ᤁᤳᤋᤠᤱ ᤛᤡᤁ᤻ᤘᤠᤏᤢᤀᤣ ॥
ᤗᤡᤶᤒᤢᤘᤠᤏ᤻ ᤀᤡᤱᤃᤠᤴ ᤔᤠ᤺ᤗᤠᤈᤣ᤹ᤖᤥ ॥
ᤔᤡᤱᤛᤥᤀᤠᤱ ᤐᤡᤖᤠᤱ ᤆᤥᤋ᤻ᤗᤢᤱᤗᤢᤶᤔᤥ᤹
ᤀᤡᤱᤛᤥᤀᤠᤱ ᤐᤡᤖᤠᤱ ᤐᤥᤁ᤻ᤗᤢᤱᤗᤢᤶᤔᤥ᤹
ᤔᤧᤔᤠᤏᤧᤴ ᤀᤡᤳᤗᤠ ᤁᤴᤏᤠᤖᤠᤀᤥ
ᤔᤧᤓᤡᤏᤧᤴ ᤀᤡᤰᤗᤠ ᤁᤴᤛᤠᤖᤠᤀᤥ ॥
ᤗᤡᤶᤒᤢᤘᤠᤏ᤻ ᤀᤡᤱᤃᤠᤴ ᤔᤠ᤺ᤗᤠᤈᤣ᤹ᤖᤥ ॥
ᤛᤠᤶᤛᤢᤖᤡᤋ᤻ ᤗᤢᤶᤔᤥ᤹ ᤔᤠ᤺ᤗᤠᤈᤣ᤹ᤖᤧ
ᤁᤶᤒᤪᤠᤱᤅᤠᤱ ᤔᤧᤳᤋᤠᤱ ᤔᤠ᤺ᤗᤠᤈᤣ᤹ᤖᤧ
ᤜᤡᤶᤒᤪᤠᤶᤔᤠᤱ ᤐᤡᤖᤠᤱ ᤐᤠᤜᤏᤧ᤹ᤖᤧ
ᤆᤥᤋ᤻ᤗᤢᤱᤅᤥ ᤑᤥᤁ᤻ᤂᤠᤱ ᤐᤠᤜᤏᤧ᤹ᤖᤧ ॥
ᤗᤡᤶᤒᤢᤘᤠᤏ᤻ ᤀᤡᤱᤃᤠᤴ ᤔᤠ᤺ᤗᤠᤈᤣ᤹ᤖᤥ ॥
ᤂᤠᤛᤠᤶᤔᤠᤱ ᤁᤢᤒᤣ ᤔᤧᤀᤡᤏᤧᤴᤗᤥ
ᤗᤡᤶᤒᤢᤘᤠᤴ ᤔᤠᤶᤔᤠ᤹ ᤔᤧᤛᤡᤏᤧᤴᤗᤥ
ᤔᤢ᤹ᤀᤡᤍᤠᤱᤗᤢᤶᤔᤥ᤹ ᤜᤠᤱᤛᤡᤱ ᤕᤢᤱᤗᤥ
ᤌᤰᤗᤠᤃᤧᤴ ᤗᤢᤶᤔᤥ᤹ ᤐᤥᤛᤡᤱ ᤕᤢᤱᤗᤥ ॥
ᤗᤡᤶᤒᤢᤘᤠᤏ᤻ ᤀᤡᤱᤃᤠᤴ ᤔᤠ᤺ᤗᤠᤈᤣ᤹ᤖᤥ ॥
ᤁᤧᤖᤧᤰᤗᤧ ᤜᤢᤰᤘᤠ ᤛᤢᤶᤐᤥᤅ᤻ᤒᤠ
ᤔᤠᤱᤃᤧᤴᤏᤠ ᤆᤥᤋ᤻ᤗᤢᤱ ᤑᤥᤅ᤻ᤐᤥᤅ᤻ᤒᤠ
ᤏᤠᤖᤠᤃᤧᤴ ᤆᤀᤡᤋ᤻ ᤕᤢᤱᤐᤥᤅ᤻ᤒᤠ
ᤀᤠᤈᤏᤡ ᤆᤥᤋ᤻ᤗᤢᤱ ᤗᤢᤱᤐᤥᤅ᤻ᤒᤠ ॥
ᤗᤡᤶᤒᤢᤘᤠᤏ᤻ ᤀᤡᤱᤃᤠᤴ ᤔᤠ᤺ᤗᤠᤈᤣ᤹ᤖᤥ ॥
ᤔᤠ᤺ᤗᤠᤈᤣ᤹ ᤏᤡᤛᤠ ᤕᤢᤰᤂᤢᤶᤗᤥ
ᤏᤠᤶᤕᤠᤵᤔᤡ ᤆᤥᤋ᤻ᤗᤢᤱ ᤕᤢᤰᤂᤢᤶᤗᤥ
ᤜᤧᤰᤁᤠᤩᤱᤗᤰ ᤔᤠᤠᤶᤔᤠ᤹ ᤔᤡᤛᤡᤏᤧᤴᤗᤥ
ᤔᤠᤶᤔᤠ᤹ᤖᤧᤴ ᤌᤰᤛᤢᤶ ᤔᤡᤛᤡᤏᤧᤴᤗᤥ ॥
ᤗᤡᤶᤒᤢᤘᤠᤏ᤻ ᤀᤡᤱᤃᤠᤴ ᤔᤠ᤺ᤗᤠᤈᤣ᤹ᤖᤥ ॥