ᤛᤠᤶᤔᤡᤗᤠ
ᤜᤧᤴ ᤌᤣ ᤘᤕᤧᤀᤡ ᥅
- ᤛᤣᤛᤣᤜᤠᤱ ᤑᤡᤕᤠᤁ᤻
ᤀᤠᤛᤧᤵᤔᤠᤱᤔᤥ
ᤁᤧᤘᤠᤏ᤻ᤇᤡᤱ ᤗ ᤁᤧᤍᤩᤧᤀᤠᤱ ᤁᤧᤘᤕᤧᤸᤗᤧ
ᤁᤧᤛᤅ᤻ᤒᤣ᤹ᤒᤠ ᤘᤧᤴᤇᤠ-ᤏᤢᤒᤢᤴᤜᤠ᤹
ᤕᤠ᤺ᤕᤠᤁ᤻ᤁᤠᤱ ᤛᤢᤏ᤻ᤍᤢᤱᤐᤡ᤹ᤏᤧᤸᤗᤧ
ᤛᤡᤶ-ᤁᤧᤔᤧᤳᤋᤢ ᤁᤧᤔᤡᤰᤂᤠ᤹
ᤕᤠᤶᤔᤥ
ᤔᤛᤢ-ᤔᤛᤢ ᤁᤧᤏᤠᤖᤠᤀᤥ
ᤀᤠᤏᤧᤴᤍᤧᤱᤒᤧᤴ ᤏᤠᤐ᤻ᤛᤢᤱᤅᤡᤸᤗᤧ
ᤁᤧᤀᤢᤁ᤻ᤂᤢ ᤁᤧᤔ᤻ᤒᤠ-ᤁᤧᤔ᤻ᤠ ᤁᤧᤛᤰᤔᤠ
ᤜᤧᤰᤁᤠᤩᤱ
ᤘᤧᤴᤛᤠᤶᤖᤧᤴ ᤛᤧᤳᤗᤥᤏ᤻-ᤛᤶᤎᤠᤱ
ᤑᤧᤛᤢᤱᤅᤠᤱ ᤁᤧᤎᤰᤗᤠᤀᤡᤴ
ᤀᤠᤏᤡᤱᤘᤠ᤹ ᤋᤠ᤺ᤍᤠ ᤕ᤹ᤖᤢᤱ
ᤜᤧᤏᤧ᤹
ᤜᤧᤰᤁᤣ ᤔᤧᤏ᤻ᤎᤡᤰᤁᤠᤱ ᤁᤧ᤹ᤗ᤹ᤏᤧᤴ
ᤏᤠ᤹ᤀᤠᤖᤥᤎᤡᤰᤁᤠᤱ ᤁᤧᤴᤗ᤹ᤖᤧᤴ
ᤜᤠᤔ᤻ᤒᤪᤡᤰᤘᤠ ᤆᤰᤆᤰᤖᤰ ᤁᤧᤒᤥᤁ᤻ᤂᤧ
ᤗᤢᤱᤔᤠ᤹ᤛᤡᤃᤠᤱ ᤆᤠᤫᤋ᤻-ᤆᤠᤫᤋ᤻ᤖᤰ ᤁᤧᤒᤥᤁ᤻ᤂᤧ
ᤀᤠᤛᤧᤵᤔᤠᤱᤔᤥ
ᤔᤡᤔ᤻ᤈᤡᤖᤧᤴ ᤌᤰᤁᤠᤶᤛᤡᤃᤠᤱ
ᤆᤡᤜᤢᤶ-ᤆᤡᤜᤢᤶ ᤁᤧᤜᤢᤶᤛᤠᤱ
ᤁᤧᤏᤧᤷᤘᤧᤳ ᤛᤡᤃᤠᤱᤒᤠ ᤘᤠᤜᤅ᤻ᤅᤥ
ᤆᤡᤶᤏᤡᤅ᤻-ᤆᤡᤶᤏᤡᤅ᤻ ᤁᤧᤏᤡᤐ᤻ᤛᤠᤱ
ᤀᤠᤱᤃᤠ᤹ᤀᤠᤱ
ᤀᤠᤛᤢᤰ-ᤛᤢᤰ ᤜᤢᤶᤛᤡᤱᤅᤠᤱ
ᤀᤠᤛᤢᤰ-ᤛᤢᤰ ᤏᤡᤔ᤻ᤛᤡᤱᤅᤠᤱ
ᤔᤧᤴᤏᤥᤏ᤻-ᤔᤧᤴᤇᤡᤀᤣ
ᤁᤧᤗᤠᤱᤑᤡᤐ᤻ᤔᤠᤀᤥ ᤆᤡᤛᤠᤰ ᤛᤠᤰᤛᤡᤱᤅᤠᤱᤅᤠᤱ
ᤁᤧᤜᤢᤰᤛᤥᤖᤧ ᤀᤠᤵᤑᤣᤁ᤻ ᤜᤧᤵᤛᤡᤱᤅᤠᤱ
ᤀᤛᤧᤵᤔᤠᤱᤔᤥ
ᤀᤠᤘᤧᤴᤇᤠᤜᤠ᤹ ᤘᤧᤳᤋᤧ ᤁᤧᤎᤸᤂᤥ
ᤀᤠᤔᤰᤂᤡ ᤘᤧᤳᤋᤧ ᤁᤧᤛᤠᤀᤡᤕᤰᤂᤥ
ᤀᤠᤜᤢᤰᤛᤥᤖᤧ ᤁᤧᤎᤰ ᤁᤒᤢᤖ
ᤔᤢᤍᤥ-ᤂᤠᤶᤍᤥ ᤀᤥ ᤗᤧᤱᤛᤡᤱ ᤌᤰᤗᤠᤏ᤻
ᤔᤢᤜᤥᤐ᤻-ᤂᤧᤜᤥᤐ᤻ᤐᤥ ᤔᤕᤧ ᤏᤡᤱᤘᤠᤏ᤻
ᤌᤣ ᤌᤣ ᤘᤕᤧᤀᤡ ᤜᤧᤴ ᥅
ᤕᤠᤰᤌᤢᤱᤎᤥᤒᤠ ᤐᤠᤋ᤻ᤌᤢᤱᤅᤥ
ᤁᤋ᤻ᤋᤢᤱᤗ ᤘᤠᤀᤠ ᤀᤠᤸᤗᤀᤠᤱ ॥