ᤔᤡᤔ᤻ᤈᤡᤔᤠᤀᤣ ᥄ ᤀᤠᤗᤢᤱᤔᤠ᤹ᤏᤧᤖᤥ..

• ᤛᤣᤛᤣᤜᤠᤱ ᤑᤡᤕᤠᤁ᤻

ᤔᤡᤔ᤻ᤈᤡᤔᤠᤖᤧ ᤁᤢᤴᤍᤠᤱᤒᤠ ᤗᤢᤅᤠᤔᤠᤀᤣ….
ᤜᤧᤏᤧ᤹ ᤏᤛ᤻ᤛᤧᤒᤠ ᤀᤠᤗᤢᤱᤔᤠᤏᤧᤖᤥ
ᤜᤧᤏᤧ᤹ᤏᤢ
ᤀᤠᤴᤇᤡ᤹ ᤔᤡᤔ᤻ᤈᤡ ᤕᤢᤱᤛᤡᤱᤅᤠᤱᤌᤡᤰᤕᤧᤴ
ᤁᤧᤔᤡᤰᤆᤥ ᤏᤢ ᤁᤧᤏᤥᤱᤘᤠ᤹ᤜᤠ᤹ ᤘᤣ᤹ ᤗᤧᤵᤑᤠᤱ
ᤂᤵᤔᤤ ᤜᤡᤛᤡᤱᤅᤠᤱ ᤐᤣᤀᤡᤸᤗᤧ
ᤛᤥᤱᤒᤢᤱᤔᤥ ᤂᤵᤔᤤ ᤀᤥᤍᤠᤁ᤻ ᤑᤥᤏ᤻ᤇᤡᤱᤒᤠ
ᤗᤧᤰᤛᤡᤱ ᤋᤱᤒᤣ ᤏᤢ ᤕᤧᤴᤜᤠ᤹ᤀᤥ
ᤁᤧᤏᤠᤔ᤻ᤁᤠᤱ ᤏᤢ ᤁᤧᤀᤣᤋ᤻ᤇᤡᤱᤜᤠ᤹ ᤔᤧᤄᤧᤵᤛᤢᤱᤅᤡᤸᤗᤧ
ᤂᤵᤔᤤ ᤂᤵᤔᤤ
ᤏᤠᤶᤌᤢᤵᤐᤣ-ᤗᤠᤌᤢᤵᤐᤣ ᤀᤠᤗᤢᤱᤔᤠᤀᤥ ᤗᤧᤋᤧᤋᤢᤱᤒᤠ

ᤏᤛ᤻ᤛᤧᤖᤥ ᤗᤢᤅᤠᤔᤠᤀᤣ ᥄
ᤀᤠᤏᤧᤳᤋᤡᤑᤢᤱᤘᤠᤀᤥ ᤁᤧᤴᤍᤠᤩᤏᤧᤶᤒᤠ ᤐᤥᤁ᤻ᤂᤧᤸᤗᤧ
ᤀᤢᤴᤇᤥᤏ᤻ ᤀᤠᤗᤢᤱᤔᤠᤀᤡᤴ ᤑᤳᤇᤠᤁ᤻ ᤛᤧᤖᤧᤒᤠ

ᤀᤠᤸᤗᤏᤧ ᤔᤧᤴᤈᤥ
ᤜᤧᤏᤧ᤹ ᤔᤡᤔ᤻ᤈᤡ ᤁᤧᤒᤡᤖᤠᤱᤅᤠᤱ
ᤜᤢᤰᤆᤥ-ᤗᤠᤱᤈᤥ ᤁᤧᤕᤢᤰᤂᤠᤱᤅᤠᤱ
ᤛᤠᤅ᤻ᤃᤢ-ᤛᤠ ᤗᤡᤅᤣᤀᤠᤱ ᤘᤠᤖᤥᤀᤡ

ᤜᤧᤰᤁᤠᤩᤱᤛᤣ….
ᤔᤡᤔ᤻ᤈᤔᤠᤀᤣ..
ᤁᤧᤔᤡᤔ᤻ᤈᤀᤥ ᤏᤡᤱᤛᤠᤱᤜᤠ᤹ ᤑᤥᤏ᤻ᤍᤢᤱᤅᤠᤱ
ᤜᤡᤱᤔᤠ ᤐᤥᤁ᤻ᤂᤧᤀᤠᤱᤘᤠᤖᤥ
ᤀᤠᤗᤢᤱᤔᤠ᤹ᤏᤧᤖᤥ…… ᤔᤡᤔ᤻ᤈᤡᤔᤠᤀᤣ…॥