• ᤐᤢᤛ᤻ᤐᤜᤠᤱ ᤗᤥᤘᤠ

ᤀᤠᤰᤂᤧᤴ ᤛᤠᤶᤗᤥᤔᤠᤱ ᤘᤠᤔᤠ ᥅
ᤛᤥᤗᤢᤱᤔᤠ, ᤐᤜᤡᤔ᤻ ᤁᤣᤘᤠᤑᤢᤱ ᤜᤧᤰᤁᤣ
ᤔᤧᤏ᤻ ᤀᤠᤸᤗᤃ-
ᤀᤡᤰᤛᤠ ᤂᤠᤶᤒᤣᤁ᤻ ᤗᤥᤁ᤻ᤂᤢᤖ
ᤋᤖᤅ᤻ ᤋᤠᤱᤛᤠᤱ ᤌᤥᤁ᤻ᤂᤢᤖ
ᤔᤢᤰᤂᤢᤱ ᤔᤧᤴᤍᤱᤍᤱ ᤔᤡᤈᤥᤋ᤻ᤗᤧᤴ ᤁᤣ ᤔᤢᤰᤗᤠ
ᤛᤧᤜᤥᤏᤠᤶᤗᤠᤅ᤻ ᤁᤥᤁ᤻ᤔᤠ ᤌᤥ ᤗᤏ᤻ᤏᤠᤀᤠᤱ ll

ᤀᤠᤳᤋᤡᤋᤡ ᤁᤢᤗᤢᤱᤔᤠ, ᤜᤡᤔ᤻ᤔᤠᤖᤧ
ᤏᤡᤒᤢᤖᤧᤴ ᤘᤠᤄᤣᤅ᤻ᤜᤠ, ᤋᤧᤶᤛᤢᤀᤠᤱ
ᤌᤠᤰᤔᤠᤱᤅᤣ ᤌᤰᤔᤠᤱ ᤗᤠᤱᤄᤣᤁ᤻ᤁᤡ ᤐᤳᤇᤧᤸᤗᤧ
ᤜᤠᤱᤘᤠᤔᤠᤸᤗᤧ ᤁᤢᤎᤰ ᤕᤠᤶᤒᤣ ᤁᤢᤍᤡᤶ
ᤜᤠᤱᤃᤢ ᤜᤠᤱᤃᤢ ᤔᤰᤋᤢᤒᤠ ᤕᤧᤶᤔᤥ
ᤆᤵᤌᤢᤱᤃᤧᤴ ᤘᤠᤔᤡᤁ᤻ᤗᤧ ᤜᤠᤖᤠᤅ᤻-ᤜᤠᤖᤠᤅ᤻ ᤆᤒᤧᤀᤠᤱ
ᤛᤡᤱᤍᤢᤶᤒᤰᤘᤠ ᤆᤫᤠᤋ᤻ – ᤗᤢᤱᤍᤢᤶᤒᤰᤘᤠ ᤆᤫᤠᤋ᤻ ᤜᤥᤐ᤻ᤋᤢᤸᤗᤧ
ᤔᤧᤴᤏᤡ ᤔᤧᤴᤎᤠ ᤛᤡᤃᤡᤳᤏᤠ ᤛᤡᤃᤠᤱ ᤜᤠᤱᤛᤡᤱᤅᤠᤅᤠᤱ
ᤑᤠᤰᤛᤠᤖᤠ ᤋᤡᤃᤧᤴᤈᤱᤏᤠᤖᤧ ᤛᤠᤘᤠᤏ᤻ᤍᤠᤱᤒᤠ
ᤛᤧᤰᤂᤠᤀᤣ ᤀᤠᤱᤃᤠ, ᤁᤢᤈᤠ᤹ᤀᤡ ᤏᤠᤶᤛᤠᤔᤡᤀᤠᤃᤪ
ᤀᤠᤜᤢᤰᤁᤥ ᤗᤡ,-ᤋᤥᤅ᤻ ᤘᤠᤔᤠᤀᤣ ᤐᤥᤅ᤻ll
ᤌᤣᤀᤠᤱᤅᤡ -ᤌᤣᤀᤠᤱᤅᤡ ᥅
ᤛ,ᤛᤡᤱ ᤆᤡᤛ, ᤆᤡᤛ, ᤀᤠᤛᤡᤰᤗᤰ
ᤜᤧᤰᤁᤩᤠᤱ
ᤍᤠᤖᤠᤛᤡᤱ. ᤑᤀᤡᤋᤖ᤻ ᤏᤢ ᤁᤡᤱᤁᤱᤜᤠ, ᤜᤧᤰᤁᤣ
ᤑᤧᤈᤠ, ᤗᤧᤔ᤻ᤓᤣ ᤗᤠᤱᤔᤠᤖ
ᤁᤥᤁ᤻ᤔᤠ. ᤑᤠᤱᤈᤱ ᤏᤢ ᤕᤱᤄᤱ. ᤘᤠᤎᤠᤔ᤻ᤜᤠ,ᤀᤥ ᤐᤡᤶᤔᤠᤖ ᤘᤠ,ᤔᤠ
ᤀᤡᤐ᤻ᤐᤢᤱᤍᤧᤴᤜᤠ,ᤀᤥ ᤛᤢᤎᤧᤒᤠ -ᤋᤠᤰᤌᤧᤒᤠᤜᤠ᤹ᤖᤧᤴ
ᤌᤰᤗᤢᤱᤍᤡᤱ ᤛᤠᤶᤜᤠ, ᤑᤥᤅ᤻ᤔᤠᤛᤡ/ ᤆᤠᤅ᤻ᤔᤠᤛᤡᤀᤠᤱ
ᤛᤠᤈᤠᤖᤠ ᤗᤢᤱᤍᤠᤱ ᤕᤠᤀᤡᤴ ᤜᤧᤰᤁᤣ
ᤀᤳᤋᤡᤱᤗᤧᤴ ᤛᤧᤸᤗᤧᤱ ᤆᤧᤳᤌᤩᤠ
ᤋᤧᤅ᤻ᤍᤧᤅ᤻ – ᤋᤧᤅ᤻ᤍᤧᤅ᤻…..
ᤋᤧᤅ᤻ᤍᤧᤅ᤻ – ᤋᤧᤅ᤻ ᤍᤧᤅ᤻…..
ᤔᤢᤱᤅᤡ ᤘᤠᤔᤠ ᤛᤡᤖᤠ,ᤜᤠ,
ᤀᤠᤛᤡᤰᤁᤢᤶ ᤕᤠᤱᤍᤠᤱᤗᤧ ᤔᤧᤴᤜᤳᤋᤣ ᤔᤧᤘᤠᤏ᤻ᤇᤡᤱᤗ ᤔᤧᤕᤠᤰll

ᤀᤣ ! ᤀᤠᤸᤗᤛᤠᤱ ᤀᤠᤰᤂᤧᤴ ᤛᤠᤶᤗᤥᤔᤠᤒᤣ ?
ᤔᤣᤖᤡᤱ ᤏᤢ ᤗᤢᤱᤔᤠ, ᤜᤡᤔ᤻ᤔᤠᤖᤧᤴ ᤛᤠᤶᤗᤥᤖᤰ ᤁᤣᤘᤠᤑᤢᤱ ᤜᤧᤰᤁᤣ
ᤔᤧᤔ᤻ᤒᤧ ᤜᤥ. ᤛᤧᤰᤂᤠᤛᤠᤱ ᤀᤠᤸᤗᤃ
ᤏᤠ ᤒᤒ᤻ᤔᤠᤖ᤻ᤗᤣ ᤜᤧᤰᤁᤣ ᤛᤧᤴᤗᤵᤖᤧᤴ ᤛᤠᤶᤗᤥ ᤛᤠᤶᤔᤧᤳᤋᤡ
ᤀᤡᤃᤪ
ᤁᤢᤓᤠ ᤕᤧᤴ ᤑᤡᤕᤠᤔ᤻ᤗᤢᤱᤔᤠᤖᤧᤴ
ᤁᤢᤓᤠ ᤕᤧᤴ ᤔᤢᤃᤢᤵᤗᤢᤱᤔᤠᤖᤧᤴ
ᤁᤒᤢᤃᤧᤴ ᤐᤠᤱᤓᤣ, ᤁᤢᤍᤢᤶ ᤌᤠᤶᤔᤠᤖ/ᤕᤠᤐ᤻ᤔᤠᤖ
ᤗᤡ,-ᤋᤥᤅ᤻ᤏᤢ ᤘᤠᤔᤠ ᤀᤠᤛᤡᤰᤛᤶ ᤛᤠᤘᤠᤏ᤻ᤃᤧᤴ ᤕᤢᤰᤐᤢᤱᤃᤧᤶᤒᤧᤴ ᤜᤧᤰᤁᤣ ll

ᤀᤠᤸᤗᤛᤠᤱ ᤀᤠᤰᤂᤧᤴ ᤛᤠᤶᤗᤥᤔᤠᤱ ᤘᤠ,ᤔᤠ ᥅
ᤔᤣᤖᤡᤱ ᤏᤢ ᤗᤢᤱᤔᤠ, ᤜᤡᤔ᤻ᤔᤠᤖᤧᤴ ᤛᤠᤶᤗᤥᤖᤰ ᤛᤠᤶᤔᤧᤳᤋᤡ ᤁᤣᤘᤠᤑᤢᤱ ᤜᤧᤰᤁᤣ ll