ᤔᤢᤴᤏᤠ
——–
ᤔᤠᤖᤠᤶᤗᤧ ᤁᤢᤛᤢᤰᤐᤧᤀᤥ ᤋᤠᤏᤠᤒᤥᤋᤣ ᤑᤠᤖᤋᤡ  (ᤍᤠᤏᤠᤒᤥᤋᤣ) ᤔᤧᤳᤏᤠᤒᤠ ᤐᤠᤴᤔᤧᤴᤍᤱ
ᤌᤡᤰᤗᤣ ᤗᤧᤱᤜᤡᤶ ᤌᤡᤰ ᤏᤧᤛ᤻ᤛᤢᤀᤠᤱ ᤏᤣ ॥ ᤜᤧᤴ

ᤛᤱᤍᤧᤴᤏᤥ ᤜᤠᤱᤈᤡ(ᤗᤫᤠᤱ),ᤔᤡᤰᤆᤡᤶ(ᤔᤖᤡᤆ)ᤂᤰᤏᤠᤒᤠ ᤏᤠᤖᤡᤶᤛᤣ ᤔᤢᤸᤗᤠᤜᤠᤷ, ᤑᤠᤖᤛᤠᤱ ᤛᤡᤃᤠᤖᤧᤋ ᤔᤡᤄᤧᤱ(ᤛᤗᤠᤀᤡ)ᤏᤢ ᤐᤖᤡᤰ ᤐᤖᤡᤰᤐᤠ ᤀᤢᤶᤗᤡᤶᤜᤠᤷ ᤛᤱᤛᤧ ᤏᤧᤛ᤻ᤛᤢᤀᤠᤱ ᤔᤧᤏᤧᤒᤠ॥ᤂᤢᤱᤏᤠ ᤌᤡᤰ ᤂᤢᤰᤛᤡᤱᤀᤠᤱ ᤀᤢᤂᤢᤛᤠᤷ ᤕᤢᤱᤒᤠ॥
ᤁᤠᤱᤘᤠᤔᤠ ᤕᤱᤄᤱ ᤏᤠᤜᤠᤱ ᤔᤡᤰᤋᤧᤳᤗᤠ, ᤋᤡᤴᤋᤠᤱᤘᤠ, ᤐᤠᤱᤓᤣ᤹ᤜᤠᤷᤒᤠ ᤜᤡᤶ ᤜᤡᤶᤔᤥ ᤛᤣᤔᤡ
ᤜᤠᤷ ᤔᤧᤀᤥᤳᤐᤠ ᤏᤡᤔᤧᤍᤧᤳ ॥ᤏᤠ ᤏᤠ ᤌᤥᤍᤥ ᤂᤩᤠᤒᤠᤜᤠᤷ ᤔᤧᤜᤒᤠ ᤂᤧᤶᤍᤧᤳ॥
ᤌᤥ ᤋᤠᤱᤛᤠᤰᤐᤧᤀᤥ ᤂᤧᤛᤣᤜᤠᤷ ᤑᤡᤸᤗᤡᤱ ᤑᤡᤸᤗᤡᤱ ᤔᤧᤀᤥᤳ ᤗ ᤔᤧᤒᤳ,ᤁᤷᤕᤥ ᤔᤠᤰᤂᤰ
ᤛᤡᤃᤠᤱ ᤋᤪᤶᤒᤠᤖᤡᤜᤠᤷ ᤑᤢᤷᤕᤧᤱ,ᤑᤢᤷᤕᤧᤱ॥

ᤕᤠᤷᤖᤠᤰᤐᤠᤜᤠᤷ,ᤔᤡᤰᤛᤡᤶᤔᤠᤱᤕᤠᤷᤖᤠᤰᤔᤧᤴ
ᤔᤧᤛᤶᤛᤢᤖ ᤔᤧᤒᤳ॥ᤜᤧᤰᤛᤠᤱ ᤀᤠᤴᤇᤡᤃᤣ ᤁᤠᤵ
ᤔᤧᤜᤥᤵᤋᤣ ᤜᤏᤧ ᤐᤥᤁ᤻ᤂᤧᤛᤡᤃᤣ॥ᤀᤠᤴᤛᤠ ᤌᤥ ᤀᤡᤳᤋᤡᤜᤡᤶ ᤛᤡᤃᤠᤱ ᤐᤧᤀᤠᤱ ᤀᤡᤵᤛᤣ॥ᤀᤠᤱᤃᤠ᤹
ᤗᤠᤶᤓᤧᤛᤠᤱᤒᤠ ᤛᤡᤱᤀᤡᤸᤗᤣ ᤔᤧᤌᤰᤋᤢᤒᤠ ᤀᤧᤰ
ᤏᤠᤶᤓᤣᤔᤥ ᤀᤠᤗᤠᤱ ᤌᤡᤰ ᤀᤧᤰᤏᤠᤶᤓᤣᤖᤧᤴ
ᤑᤰᤋᤠᤱᤅᤥ ᤘᤠᤴᤍᤢᤱ ᤗ ᤌᤥ ᤋᤠᤱᤛᤠᤰᤐᤣᤀᤥᤒᤠ ᤁᤧᤗᤧᤰᤐᤠ ᤂᤧᤛᤣᤜᤠᤷ ᤀᤥᤔᤧᤳᤋᤢᤱᤛᤡᤱ ᤗ ᤏᤧᤀᤠ॥
ᤕᤠᤖᤠᤰ ᤋᤧᤴᤏᤥ ᤘᤠᤔᤠ ᤏᤡᤱᤘᤠ ᤂᤧᤱᤄᤧᤱ ᤗᤷ ᤔᤠ
ᤜᤧᤰᤋᤣ॥ᤀᤠᤸᤗ ᤜᤡᤶᤔᤥ ᤐᤧᤰᤔᤠ ᤐᤥᤱ ᤗᤷᤖᤠᤱᤀᤠᤅ ,ᤀᤠᤴᤛᤠᤷ ᤀᤢᤳᤇᤧ ᤐᤧᤁᤠ ॥ᤀᤠᤴᤛᤠ
ᤔᤡᤰᤕᤢᤔᤠᤸᤗᤣ ᤀᤡᤒᤢᤀᤠᤱ ᤏᤧ ,ᤑᤥᤂᤢᤱ”ᤌᤩᤠᤱᤒᤧ ᤌᤧᤒᤧ᥄” ᤗᤷ॥ᤜᤡᤶᤔᤥ ᤐᤡᤳᤇᤡ ᤔᤧᤳᤋᤢᤱ ॥”ᤀᤠᤱ ᤃ ᤔᤧᤒᤧᤁᤠᤴ,ᤂᤧᤏᤧ ᤐᤧᤃᤣ”ᤔᤧᤳᤋᤠᤀᤠᤱᤀᤡᤵᤏᤠ
ᤏᤠᤛᤡᤱ॥
ᤛᤵᤔᤠ ᤛᤵᤔᤠ ᤘᤠᤓᤥᤛᤡᤱᤅᤠ,ᤕᤠᤖᤠᤰ ᤗᤢᤶᤔᤥ ᤗᤠᤋᤠ॥ᤏᤡᤱᤘᤠ ᤔᤧᤍᤠᤏᤣᤴ ,॥ᤏᤡᤱ ᤂᤧᤱᤄᤧᤱ ᤗᤷ ,ᤗᤡ ᤗᤧᤑᤛᤠᤱ ᤆᤡᤈᤡ ᤂᤰᤂᤰ
ᤔᤠᤰᤂᤰ ᤕᤠᤳ॥ᤕᤠᤖᤠᤰᤐᤠᤜᤠᤷ ᤀᤡᤴᤈᤥ ᤀᤡᤴᤈᤥ
ᤕᤠᤔᤧᤖᤠᤰ ᤗ ᤔᤧᤕᤧᤵ,ᤐᤠᤏᤡᤔᤧᤍᤧᤳ॥ᤆᤡᤖᤡᤵᤐᤠᤜᤠᤷ ᤕᤠᤳᤔᤠᤱ ᤜᤥᤵᤐᤠ॥
ᤀᤠᤱᤃᤠ ᤁᤡᤀᤠ ᤖ ᤁᤡᤀᤠ ᤜᤡᤶ ᤗᤧᤑᤛᤠᤱ ᤌᤠᤛᤡᤱᤀᤠ॥ᤀᤡᤳᤐᤢᤱᤜᤠᤷᤖᤣ ᤗᤢᤶᤔᤥ ᤕᤶᤒᤠ ॥ᤐᤠᤰᤛᤠᤱᤘᤗᤣᤘᤔᤠᤖᤠᤶᤔᤡᤴ ᤔᤠᤰᤂᤰ ᤛᤡᤃᤠᤱ ᤑ ᤗᤷᤖᤡᤰ ᤁᤧᤏᤧᤒᤠᤴᤋᤡᤰᤋᤢᤱ ᤗ ᤋᤧᤷᤖᤢᤱ॥ᤏᤠ ᤏᤠᤰ ᤁᤧᤳᤕᤠᤀᤠᤱ
ᤗᤠᤶᤓᤥᤛᤠᤱ ᤕᤥᤂᤱᤃᤪᤱᤘᤠ ᤔᤧᤳᤏᤠᤒᤠ ᤐᤠᤰᤛᤠᤱᤘᤠᤀᤥ ᤋᤠᤷᤕᤠᤳ ᤌᤠᤛᤡᤱᤅᤠ॥ᤆᤢᤰᤛᤠ ᤐᤡᤳ
ᤗᤠᤶ ᤗᤰ ᤏᤧᤒᤠ॥ᤐᤠᤰᤛᤠᤱᤘᤠᤸᤗᤣ ᤌᤥ ᤕᤥ ᤏᤠ
ᤁᤳᤏᤠ ᤁᤵᤐᤪᤡᤱ ᤁᤧᤶᤒᤠ ᤁᤧᤶᤒᤠ ᤘᤛᤷᤔᤠ ᤏᤢ ᤕᤠᤰᤐᤵᤔᤠ ᤛᤡᤱᤗᤠᤖᤧ ᤁᤒᤢᤲᤒᤠ, ᤜᤰᤌᤰᤗᤣ
ᤌᤡᤶᤛᤢᤀᤠᤱ ᤏᤧᤒᤠ ᤋᤠᤶᤓᤢᤱ,ᤀᤠᤃᤡ ᤀᤠᤛᤡᤒᤠ॥
ᤐᤠᤰᤛᤠᤱᤘᤠᤸᤗᤣ ᤁᤢᤓᤧᤛᤠᤱᤁᤧᤳᤋᤠ,ᤕᤶᤒᤠ ᤗᤢᤱᤄᤧᤸᤗᤣᤱ ᤛᤡᤃᤠᤱ ᤏᤢ ᤐᤠᤰᤛᤠᤱᤘᤠᤴ ᤕᤢ ᤖ ᤐᤳᤐᤠ, ᤁᤠᤷᤔᤠ ᤐᤥᤂᤧ ᤑᤠᤱ ᤕᤧᤖᤡᤵᤆᤥᤁᤠ ॥
ᤋᤠᤶᤓᤢᤱ ᤛᤡᤃᤠᤱ ᤐᤥᤖᤠᤰ ᤌᤡᤰ ᤀᤧᤁᤠᤱ ᤔᤳᤌᤠᤒᤠ
ᤜᤧᤰᤁᤣ ᤂᤧᤶᤍᤧᤳ,ᤋᤍᤳ ᤗᤷᤀᤠ ᤕᤱᤔᤠᤛᤡᤀᤠ
ᤀᤠᤕᤠᤶ ᤛᤡᤖᤡᤱ ᤗᤷ “ᤌᤧᤴᤒᤣ”ᤗᤷᤀᤠ॥ᤛᤵᤔᤠ
ᤀᤡᤳᤇᤡᤱᤀᤠ ॥ᤏᤠ ᤁᤳᤏᤠ ᤜᤰᤋᤰᤜᤠᤷ ᤀᤡᤴᤍᤢᤖ
ᤛᤡᤱᤀᤧᤱᤀᤡ ᤌᤥᤍᤥ ᤀᤠᤱᤃᤠ ᤗᤧᤑᤛᤠᤱ ᤌᤠᤅᤧᤒᤠ
ᤜᤧᤰᤂᤧ ᤂᤧᤵᤛᤢᤱ,॥ᤀᤠᤎᤰᤁᤡᤸᤗᤣ ᤋᤥᤛᤢ,ᤆᤡᤋᤢ॥ᤀᤠᤎᤰᤁᤡᤴ ᤁᤢᤴᤍᤠ ᤁᤩᤠᤵᤐᤠ ᤐᤥᤂᤧᤒᤠ ᤏᤡᤛᤢᤱ॥
“ᤜᤧᤏᤧᤷᤌᤧᤀᤡ ᤁᤢᤛᤡᤱ ᤔᤧᤴᤏᤡᤵᤐᤠ ,ᤀᤠᤗᤠᤶ ᤁᤧᤎᤧᤰᤋᤢ ,ᤁᤰ ᤁᤧᤳᤋᤧᤀᤠᤱ ᤐᤧᤃᤧ”ᤔᤧᤳᤋᤢᤱᤀᤠᤱ
ᤕᤠᤖᤠᤰ ᤋᤧᤴᤏᤥ ᤏᤥᤱᤅᤠ॥
ᤕᤠᤖᤠᤰᤐᤠᤜᤠᤷ ᤕᤠᤔᤧᤖᤠᤰ ᤗ ᤔᤕᤧᤵ ॥ᤀᤡᤰᤛᤠ ᤂᤠᤶᤒᤧᤰ ᤆᤡᤈᤡ ᤂᤰᤂᤰ ᤏᤣ॥ᤜᤧᤷᤕᤥ ᤘᤠᤔᤠ ᤁᤶᤔᤠ ᤀᤠᤕᤠᤶ ᤔᤧᤍᤠᤏᤣᤴ॥ᤜᤡᤶᤔᤥ ᤐᤧᤰᤔᤠ ᤏᤡᤱᤘᤠ ᤆᤥᤁᤠ ᤁᤖ ᤐᤠᤰᤛᤠᤱᤘᤠᤀᤥ ᤛᤡᤱ ᤁᤧᤀᤧᤱᤒᤣᤴ ᤀᤠᤶᤓᤠ ᤕᤠᤰᤐᤡ ᤗᤷᤀᤠ ,ᤜᤧᤰᤁᤧᤛᤠᤱᤗᤧᤱᤜᤡᤶᤒᤠ ᤔᤏᤠᤴ(ᤐᤛᤗᤧ) ᤑᤥᤂᤢᤱ,ᤒᤢᤸᤒᤢᤸ ᤔᤡᤱᤒᤠ ᤁᤢᤈᤠᤰ ᤌᤡᤰ ᤛᤡᤃᤠᤖᤧᤳ ᤏᤢ ᤁᤢᤈᤠᤰ ᤌᤡᤰ ᤔᤡᤄᤧᤱ
(ᤛᤗᤠᤀᤡ)ᤀᤡᤅᤢ॥ᤛᤡᤃᤠᤖᤧᤋᤥ ᤁᤧᤰᤁᤪᤱᤘᤠ ᤐᤢᤗᤧᤴ ᤁᤢᤆᤷᤀᤡᤳᤐᤳᤇᤧ ᤔᤡᤂᤧᤱᤀᤥ ᤍ ᤈᤢᤍ ᤔᤧᤆ ᤑᤩᤠᤰᤋᤪᤡ ᤔᤡᤱ ᤐᤳᤇᤧ॥
ᤖᤔᤶᤔᤥ ᤂᤠᤔᤠᤰ ᤛᤡᤃᤠᤱ ᤗᤠᤶ ᤌᤠᤛᤡᤱᤀᤠ
ᤔᤧᤴᤃᤡᤀᤧ ॥ᤀᤠᤔᤢᤖᤠᤀᤥ ᤛᤡᤃᤠᤖᤧᤋ ᤌᤡᤰ ᤜᤠᤴᤍᤢᤱᤀᤠᤱ ᤔᤧᤴᤏᤢᤵᤐᤣ ᤆᤰᤋᤢᤱ ᤗ ᤑᤢᤷᤗᤣ ᤑᤢᤷᤗᤣ ᤀᤥᤎᤡᤱᤃᤠ ᤜᤧᤰᤁᤣ ᤐᤣᤁᤠ॥
ᤋᤶᤓᤢᤱᤀᤥ ᤌᤧᤕᤠᤱ ᤔᤧᤕᤠᤳᤏᤧᤴ ᤔᤒᤠᤳᤏᤧᤴ
ᤔᤧᤕᤠᤰᤏᤣᤴ॥ᤏᤠ ᤏᤠᤰ ᤁᤥᤰᤔᤠᤀᤥ ᤁᤧᤳᤋᤠ
ᤜᤧᤷᤕᤥᤏᤢ ᤕᤥ ᤀᤠᤜᤡᤶ ᤏᤡᤍᤧᤳ॥