• ᤔᤢᤴᤏᤠ

ᤋᤧᤶᤛᤣᤏᤠ ᤏᤠᤰᤆᤠ ᤀᤠᤴᤈᤢᤶᤔᤣ
ᤛᤠᤵᤋᤣᤏᤠ ᤛᤠᤶᤗᤣ ᤗᤠᤈᤣᤷᤖᤧᤴ
ᤌᤣᤒᤣ ᤏᤢ ᤌᤥᤍᤡᤶ ᤀᤠᤒᤥᤅ᤻ᤒᤠ
ᤁᤢᤒᤣ ᤌᤡᤰ ᤗᤳᤇᤠ ᤛᤠᤵᤋᤧᤏᤠ॥

ᤛᤧᤳᤔᤠᤱ ᤌᤡᤰ ᤗᤳᤇᤠ ᤀᤥᤴᤎᤠᤰᤋᤧᤏᤠ॥
ᤀᤠᤍᤱᤏᤧᤃᤖ ᤜᤠᤱᤜᤠᤱᤗᤥ
ᤋᤠᤱᤛᤧᤵ ᤏᤢ ᤀᤠᤵᤗᤢᤱ ᤘᤠᤏᤣᤃᤖ
ᤐᤥᤕᤥᤰ ᤏᤢ ᤕᤠᤴᤎᤠ ᤐᤥᤒᤣᤰᤗᤥ॥
ᤛᤠᤵᤋᤢᤱᤗᤥ ᤛᤧᤰᤂᤠ ᤛᤠᤵᤗᤠᤀᤥ॥
ᤐᤠᤕᤢᤱᤒᤠ ᤛᤧᤰᤂᤠ ᤀᤡᤱᤗᤧᤰ ᤔᤧᤴ॥
“ᤀᤧ ᥅ᤛᤧᤰᤂᤠ ᤖᤥ ᤛᤧᤰᤂᤠ ᤛᤧᤰᤂᤠ ᤖᤥ॥
ᤋᤱᤛᤡᤱᤔᤠ ᤀᤠᤏᤡ ᤀᤠᤴᤛᤢᤰᤏᤧᤴ,
ᤛᤠᤶᤕᤥ ᤏᤢ ᤜᤠᤱᤐᤠᤴᤏᤥ ᤀᤠᤜᤠᤛᤡᤱ
ᤀᤡᤱᤀᤠᤶᤗᤧᤰ ᤀᤠᤏᤡᤷ ᤀᤠᤴᤏᤡᤛᤢᤶ,
ᤑᤢᤷ ᤏᤢᤛᤠ ᤗᤳᤇᤠ᤹ ᤀᤠᤜᤡᤵᤛᤡᤱ॥
ᤛᤠᤵᤗᤠᤱᤀᤠᤏᤡᤷ ᤀᤠᤴᤏᤡᤳᤏᤧᤴ
ᤛᤠᤵᤗᤠ ᤖᤰ ᤛᤠᤵᤔᤠᤱ ᤌᤣ ᤐᤥᤅ᤻ᤒᤣ᥄”
ᤛᤧᤰᤂᤠᤖᤥ ᤕᤖᤡᤰ ᤀᤠᤶᤜᤡᤛᤧ,
ᤀᤡᤱᤗᤧᤰ ᤐᤠᤴ ᤀᤠᤏᤡᤷ ᤌᤠᤴᤏᤡᤛᤢᤶ,
ᤌᤥᤒᤥ ᤏᤢ ᤌᤥᤍᤡᤶ ᤜᤢᤴᤇᤡᤷᤀᤡᤴ॥
ᤕᤥᤓᤥᤖᤣ ᤁᤰᤁᤡᤴ ᤀᤠᤶᤃᤢᤋᤧ॥
ᤔᤠ ᤐᤠᤴᤏᤠᤱ ᤂᤠ ᤔᤠᤒᤣᤰᤗᤥ,
ᤔᤠᤳᤈᤢᤳᤋᤠ ᤀᤠᤶᤓᤣᤰ ᤀᤠᤶᤏᤠᤗᤥ॥
“ᤗᤢ ᥅ᤑᤧᤳᤋᤣ ᤁᤳᤏᤠ ᤛᤠᤵᤗᤠᤀᤡᤴ,
ᤋᤧᤶᤛᤢᤱᤗᤥ ᤀᤠᤸᤗᤥ ᤏᤠᤰᤆᤠᤀᤡᤴ॥
ᤛᤠᤵᤋᤢᤱ ᤗᤥ ᤗᤳᤇᤠ ᤛᤧᤷᤔᤠᤱᤌᤡᤰ,
ᤗᤳᤇᤠᤛᤠᤱ ᤐᤥᤱᤃᤖ,ᤛᤠᤶᤏᤡᤒᤠ
ᤌᤥᤷᤖᤢᤖᤥ ᤏᤠᤶ ᤜᤧᤰᤁᤧ ᤀᤡᤰᤛᤠᤀᤡᤴ॥
ᤛᤛᤡ ᤏᤢ ᤔᤢᤴᤎᤢᤶ ᤀᤠᤃᤳᤋᤢᤶ,
ᤁᤢᤍᤡᤰ ᤏᤢ ᤛᤰᤏᤡᤶ ᤆᤥᤃᤢᤗᤥ॥
ᤕᤧᤳᤆᤡᤖᤡ ᤗᤠᤶᤍᤥ ᤁᤧᤖᤡᤀᤠᤱ,
ᤗᤡ ᤗᤧᤑᤛᤠᤱ ᤏᤥᤖᤡᤰ ᤀᤔᤕᤡᤖᤥ॥
ᤌᤥᤒᤥ ᤏᤢ ᤌᤥᤍᤡᤶ ᤛᤣᤃᤢᤶᤔᤠᤱ,
ᤏᤥᤏᤥᤒᤠ ᤕᤠᤴᤎᤠᤜᤠᤷᤁᤠᤵᤛᤡᤱᤔᤠᤖᤥ,
ᤕᤠᤶᤈᤥᤏᤢ ᤕᤠᤶᤒᤰ ᤜᤧᤰᤛᤡᤱᤔᤠᤖᤥ॥
ᤕᤠᤰᤌᤢᤱᤛᤠ ᤗᤳᤇᤠ ᤐᤥᤂᤡᤀᤠᤱ,
ᤀᤡᤰᤛᤠᤀᤡᤴ ᤛᤣᤛᤣ ᤈᤥᤃᤢᤶ ᤗᤥ॥
ᤏᤥᤃᤧᤴ॥