तेह्रथुम/ नव ज्योती स्पोर्टिङ क्लब फेदाप गाउँपालिका-५ ईसिबु पञ्चमीद्वारा खुल्ला वडा स्तरिय पुरुष भलिबल तथा विभिन्न सास्कृतिक कार्यक्रम गर्ने भएको छ ।
प्रतियोगिता नव ज्योती स्पोर्टिङ क्लब पञ्चमी डांडाको खेल मैदानमा हुने खुल्ला वडा स्तरिय पुरुष भलिबल प्रतियोगिता आगामी माघ २६ गते बेलुका ५ बजे सम्ममा नाम ईन्ट्री गरिसक्नु पर्ने छ भने प्रवेश शुल्क नगद दुई हजार रहेको र खेल माघ २७ गते विहान १० बजे देखि शुरु हुने भएको छ ।
नव ज्योती स्पोर्टिङ क्लबले आयोजना गर्ने विविध कार्यक्रममध्ये युवाहरुलाई लक्षित खेलकुद कार्यक्रममा पुरुष भलिबल र सांस्कृतिक नृत्य र महिला म्युजिकल चियर पनि रहेको आयोजकले बताएको छ ।
भलिबल प्रतियोगिताको विजेताले नगद मेडल प्रमाण पत्र ट्रफि सहित ४० हजार प्राप्त गर्नेछन् भने दोस्रोले २५ हजार नगद मेडल प्रमाण पत्र ट्रफी प्राप्त गर्नेछन् । खेल प्रचलित नियमको आधारमा खेलाईने छ। खेल ट्राईसेटको आधारमा खेलाईने छ ।
खुल्ला सांस्कृतिक नृत्य कार्यक्रममा सहभागी हुनको लागि फागुन १ गते साझ ५ बजे सम्ममा आफ्नो नाम टिपाईसक्नु पर्ने छ भने सांस्कृतिक नृत्यमा सहभागीता शुल्क नगद एक हजार रहेको छ । कार्यक्रम फागुन २ गते विहान १० बजे बाट सुरु हुने छ ।
नृत्य तर्फ प्रथम पुरस्कार नगद १५ हजार कप प्रमाण पत्र प्राप्त गर्नेछन् । द्वितीय हुनेले नगद १० हजार कप प्रमाण पत्र प्राप्त गर्नेछन् तेसै गरी सान्त्वना पुरस्कार (क) , (ख) , (ग) गरि नगद १५ सयको दरले प्राप्त गर्नेछन्।
यस्तै महिला म्युजिकल चियर तर्फ प्रथम हुनेले नगद १५ सय प्रमाण पत्र प्राप्त गर्ने छ, भने द्वितीय हुनेले एक हजार प्रमाण पत्र प्राप्त गर्ने छ । मेलामा सहभागीता जनाउन नव ज्योती स्पोर्टिङ क्लबका सचिव सचिन चेलीफूङले बताए ।