ᤍᤔᤰ. ᤛᤡᤛᤣᤰᤖᤠᤣ ᥇᥏ / ᤕᤠᤰᤌᤢᤱ ᤐᤠᤏ᤻ᤍᤠᤱ ᤛᤠᤵᤛᤰ ᤕᤶᤒᤢᤃᤧᤴ ᤍᤔᤰᤗᤧᤴ ᤏᤧᤳᤇᤡᤃᤣᤁ᤻ ᤕᤧᤈᤢᤶᤗᤢᤱ ᤐᤠᤣᤁ᤻ᤂᤧᤀᤠᤱ ᤘᤠ ⏸

ᤑᤛᤢᤵᤐᤠ ᤇᤠᤐᤠᤖᤧᤴ ᤍᤔᤰ -᥇ ᤕᤧᤜᤠᤱᤏᤃᤖ᤻ᤗᤧᤴ ᤛᤡᤖᤡᤈᤱᤃᤠ ᤛᤢᤔᤠᤈᤡᤒᤠ ᤜᤡᤶᤔᤠᤣ ᤕᤠᤰᤌᤢᤱ ᤛᤠᤶᤏᤡ ᤕᤶᤒᤢᤃᤧᤴ ᤏᤧᤐᤠᤗ᤻ ᤑᤠᤣ᤹ ᤜᤠᤱᤕᤶᤒᤢ ᤗᤇᤠᤔᤡ ᤛᤣᤖ᤻ᤔᤠ ᤐᤠᤐᤠᤣᤖᤧ ᤋᤢᤶ ᤋᤖᤧᤍᤠᤣᤀᤠᤣ ᤕᤠᤰᤌᤢᤱ ᤐᤠᤏ᤻ᤍᤠᤱ ᤛᤠᤵᤛᤰ ᤕᤶᤒᤢᤃᤧᤴ ᤍᤔᤰᤗᤧᤴ ᤏᤧᤳᤇᤡᤃᤣᤁ᤻ ᤕᤧᤈᤢᤶᤗᤢᤱᤗᤠᤶ ᤕᤠᤶᤔᤠᤣ ᤛᤣᤛᤣᤔᤡ ᤛᤣ.ᤏᤠᤸᤒᤠᤣ ᤜᤠᤱᤕᤶᤒᤢᤀᤠᤣ ᤛᤣᤁ᤻ᤛᤡᤱ ᤐᤠᤣᤁ᤻ᤂᤧᤀᤠᤱ ᤘᤠ ⏸

ᤕᤧᤈᤢᤶᤗᤢᤱᤗᤠᤶ ᤑᤠᤣ᤹ ᤜᤠᤱᤕᤶᤒᤢ ᤔᤢᤛᤠᤜᤠᤱ ᤀᤶᤔᤠᤩᤱᤛᤠ. ᤛᤠᤶᤏᤡ ᤛᤜᤠᤱᤃᤧᤶᤔᤠ ᤖᤆᤏᤠ ᤗᤠᤀᤠᤣᤋᤡ. ᤛᤠᤶᤏᤡ ᤕᤠᤱᤛᤠ ᤃᤢᤔᤠᤏ᤻ᤛᤡᤱ ᤛᤶᤒᤠᤜᤠᤱᤑᤣ. ᤛᤠᤶᤏᤡ ᤐᤠᤛᤡᤱᤅᤠᤣ ᤁᤒᤡᤴᤍᤪ ᤛᤣᤖ᤻ᤔᤠ. ᤒᤡᤛ᤻ᤏᤢ ᤁᤣᤖᤢᤱ ᤏᤢ ᤑᤢᤱᤔᤠ ᤋᤢᤔᤪᤠᤣᤁ᤻ ᤛᤣᤁ᤻ᤛᤡᤱ ᤔᤧᤒᤠᤣᤁ᤻ᤂᤧᤀᤠᤱ ᤔᤧᤘᤠ ⏸

ᤐᤠᤜᤣᤰᤁᤣᤖᤡᤰᤁᤣ ᤐᤠᤄᤧᤴ  ᤕᤧᤈᤢᤶᤗᤢᤱᤗᤧ ᤛᤠᤶᤏᤡᤒᤠ ᤐᤠᤏ᤻ᤈᤢᤶᤓᤠᤣ ᤜᤢᤵᤆᤢᤶ ᤆᤠᤣᤃᤢᤀᤠᤱ ᤘᤠ ⏸ ᤜᤧᤴ ᤐᤠᤏ᤻ᤈᤢᤶᤓᤠᤣᤀᤠᤣ ᤌᤧᤵᤐᤧᤳᤋᤠᤱ ᤛᤣᤛᤣᤜᤠᤱ ᤑᤡᤕᤠᤁ᤻. ᤛᤣᤛᤣᤔᤡ ᤛᤣᤏᤠᤸᤒᤠᤣ. ᤔᤢᤛᤠᤜᤠᤱ ᤀᤶᤔᤠᤩᤱᤛᤠ ᤏᤢ ᤖᤆᤏᤠ ᤗᤠᤀᤠᤣᤋᤡ ᤔᤧᤕᤢᤱ ⏸

ᤕᤶᤒᤢᤃᤧᤴᤗᤧᤴ ᤕᤧᤈᤢᤶᤗᤢᤱ ᤛᤒᤳ ᤆᤠᤣᤁ᤻ᤔᤠ ᥉ ᤐᤠᤛᤡᤱᤅᤡᤒᤠ ᤛᤣᤁ᤻ᤛᤡᤱ ᤐᤠᤏ᤻ᤈᤢᤶᤓᤠᤣ ᤛᤣᤃᤢᤀᤠᤱ ᤘᤕᤧ ⏸ ᤐᤠᤏ᤻ᤈᤢᤶᤓᤠᤣᤖᤧᤴ ᤋᤱᤜᤡᤀᤠᤣ ᤗᤇᤠᤔᤡ ᤛᤣᤖ᤻ᤔᤠ ᤐᤠᤐᤠᤣ. ᤐᤠᤛᤡᤱ ᤛᤜᤠᤱᤃᤧᤶᤒᤠᤀᤠᤣ ᤍᤡᤗ᤻ ᤐᤠᤁ᤻ᤛᤠᤅ᤻ᤘᤠ ᤏᤢ ᤐᤠᤛᤡᤱᤅᤠᤣ ᤛᤢᤔᤡᤋᤪᤠ ᤒᤠᤱᤍᤧᤗ᤻ ᤆᤣᤗᤡ ᤔᤧᤕᤢᤱᤅᤧᤀᤠᤱ ᤘᤕᤧ ⏸

ᤌᤡᤶᤒᤣᤀᤠᤣ ᤕᤠᤰᤌᤢᤱ ᤛᤠᤶᤏᤡ ᤕᤶᤒᤢᤃᤧᤴ ᤏᤧᤐᤠᤗ᤻ ᤑᤠᤣ᤹ ᤜᤠᤱᤕᤶᤒᤢ ᤗᤇᤠᤔᤡ ᤛᤣᤖ᤻ᤔᤠ ᤐᤠᤐᤠᤣ. ᤏᤧᤐᤠᤗ᤻ ᤐᤪᤃᤠᤩ ᤐᤪᤋᤡᤛ᤻ᤌᤠᤏ᤻ ᤛᤠᤶᤏᤡ ᤐᤠᤛᤡᤱ ᤛᤢᤔᤡᤋᤪᤠ ᤒᤠᤱᤍᤧᤗ᤻. ᤁᤡᤕᤠᤆᤢ ᤇᤠᤐᤠ ᤌᤢᤶ ᤌᤠᤣᤛᤢᤎᤡᤶᤒᤠ ᤛᤣᤛᤣᤜᤠᤱ ᤑᤡᤕᤠᤁ᤻.  ᤗᤡᤶᤒᤢ ᤓᤠᤛᤠ ᤋᤌᤠ ᤛᤱᤛ᤻ᤁᤪᤡᤪᤋᤡ ᤒᤡᤁᤠᤛ᤻ ᤁᤧᤴᤍᤪ ᤋᤣᤖ᤻ᤌᤢᤶ ᤌᤠᤣᤛᤢᤎᤡᤶᤒᤠ ᤍᤡᤗ᤻ ᤐᤠᤁ᤻ᤛᤠᤅ᤻ᤘᤠ. ᤕᤠᤰᤌᤢᤱ ᤏᤡᤛᤠᤶᤒᤣᤛᤠᤵᤐᤠ ᤌᤠᤁᤢᤜᤠᤱ ᤔᤧᤖᤡᤱ. ᤁᤡᤕᤠᤆᤢ ᤍᤔᤰ ᤐᤠᤱᤕᤰ ᤌᤠᤣᤛᤢᤎᤡᤶᤒᤠ ᤍᤣᤒᤧᤴᤍᤪ ᤆᤧᤔ᤻ᤈᤠᤣ. ᤗᤡᤶᤒᤢ ᤐᤋᤪᤁᤠᤖ᤻ ᤛᤱᤄ ᤇᤠᤐᤠ ᤌᤢᤶ ᤌᤠᤣᤛᤢᤎᤡᤶᤒᤠ ᤍᤣᤛ᤻ᤖᤠᤈ᤻ ᤏᤧᤶᤒᤠᤱ. ᤔᤢᤴᤆᤀᤡᤋ᤻ ᤆᤠᤣᤁ᤻ᤛᤠᤒᤠ ᤀᤠᤣᤏ᤻ᤎᤠᤰᤛᤠᤒᤠ ᤌᤧᤕᤢᤛᤠ ᤑᤠᤃᤠᤣ ᤏᤢ ᤖᤢᤒᤠᤀᤡ ᤔᤴᤆ ᤏᤧᤐᤠᤗ᤻ ᤔᤢᤈᤠᤣ᤹ᤗᤢᤱ ᤌᤠᤣᤛᤢᤎᤡᤶᤒᤠ ᤖᤠᤈ᤻ᤁᤢᤔᤠᤖ᤻ ᤛᤢᤒ᤻ᤒᤠᤏᤢᤛᤠᤣᤖᤡᤰᤗᤧ ᤏᤠᤣᤏᤡᤱᤘᤠ ᤀᤢᤘᤠ ᤔᤧᤕᤢᤰᤂᤢᤀᤠᤱ ᤘᤕᤧ ⏸

ᤌᤡᤶᤒᤣᤀᤠᤣ ᤕᤠᤰᤌᤢᤱ ᤐᤠᤏ᤻ᤍᤠᤱ ᤛᤠᤵᤛᤰ ᤕᤶᤒᤢᤃᤧᤴ ᤍᤔᤰᤗᤧᤴ ᤕᤧᤈᤢᤶᤗᤢᤱᤅᤠᤣ ᥇᥎ ᤐᤠᤛᤡᤱ ᤜᤡᤱᤜᤡᤱᤒᤠ ᤏᤢ ᥏ ᤐᤠᤛᤡᤱ ᤋᤠᤱᤛᤣᤐ᤻ᤐᤠ ᤐᤠᤛᤡᤱᤗᤧᤴ ᤛᤧᤰᤂᤠ ᤛᤰᤀᤠᤱ ᤔᤧᤜᤠᤋᤢᤛᤡᤀᤠᤱ ᤘᤕᤧ ⏸

ᤌᤡᤶᤒᤣᤀᤡᤴ ᤕᤠᤰᤌᤢᤱ ᤐᤠᤏ᤻ᤍᤠᤱ ᤛᤠᤵᤛᤰ ᤕᤶᤒᤢᤃᤧᤴ ᤍᤔᤰ ᤜᤠᤱᤕᤶᤒᤢᤍᤠᤱ ᤛᤣᤛᤣᤔᤡ ᤛᤣ ᤏᤠᤸᤒᤠᤣᤖᤧᤴ ᤆᤢᤶᤗᤢᤱᤍᤠᤱᤅᤠᤣ ᤏᤢ ᤛᤠᤶᤏᤡ ᤛᤜᤠᤱᤃᤧᤶᤒᤠ ᤔᤢᤛᤠᤜᤠᤱ ᤀᤶᤔᤠᤩᤱᤛᤠᤖᤧ ᤀᤡᤈᤠᤃᤢᤀᤠᤱ ᤘᤕᤧ ⏸