विराटनगर १६ जेठ / कोशि नाम खारेजी आन्दोलनमा गिरफ्तार गरिएका २७ जनालाई मुद्दा चलाउने भएपछि १७ गतेदेखि अनिश्चित आम हडतालको घोषणापछि रिहाई हुने भएको छ ।
वडा प्रहरी कार्यालय विराटनगरमा राखिएका प्रहरीले हालसम्म नछाडेका नेता कार्यकर्ताहरू अशोक चेम्जोङ, खड्का लिम्बू, कुलप्रसाद लिम्बू, सुकराज लिम्बू, सुकराज थेबे, सञ्जिव लिम्बू, ताराकुमार लिम्बू, मनकुमार थेगिम, आरभि लिम्बू, प्रयास बान्तावा राई, नबीन पोमु, प्रदिप लिम्बू, सिताराम राई, सन्तोष सम्बाहाम्फे, जेबी साँबा, दुर्गा मगर, मनकुमार लिम्बू, शङ्कर लिम्बू, अमृत राई, प्रमोद लिम्बू, सुमन केरुङ, पदम खेवाङ, रोशन लिम्बू, छबिरमण सार्की, कुसुम राई, राजभक्त लिम्बू र मन कुमार माखिम २७ जनालाई रिहाईको माग गर्दै १६ गतेको अल्टिमेटम पछि १७ गतेदेखि १४ जिल्ला ब्यापि आमहडतालको घोषणा गरेको जनता समाजवादी पार्टी लिम्बुवान राष्ट्रिय समिति अध्यक्ष खगेन्द्र माखिमले जानकारी दिए ।
प्रशासनसंग सहमति भए अनुसार कोशी प्रदेश नामांकरणको विषयलाई लिएर प्रदेश नं. १ पुनः नामांकरण संयुक्त संघर्ष समिति लगायतका असहमत पक्षबाट विरोधका कार्यक्रमहरु भइरहेकोमा अब उप्रान्त कुनै पनि किसिमको आगजनी, तोडफोड, आवगमन अवरुद्ध, कार्यालय संचालन अवरुद्ध लगायतका शान्ति सुव्यवस्थामा असर पु-याउने कार्यहरु नगरी कानून सम्मत शान्तिपूर्ण रुपमा कार्यक्रमहरु संचालन गर्ने साथै जिल्लाको शान्ति सुरक्षा कायम राख सवैले सहयोग गर्ने र आन्दोलनको क्रममा पक्राउ परेका व्यक्तिहरु छुटे पछि आम हड्ताल फिर्ता लिने निर्णय भएको छ ।
आन्दोलनको क्रममा गिरफतारीमा परेका ८६ जना नेता/कार्यकर्ताहरू